TikTok
TikTok wan sasamaannya dalam bahasa Mandarin; Douyin[1] adalah layanan hosting pidio durasi handap, ampunnya perusahaan Tiongkok ByteDance[1]. Layanan ngini mahosting pidio nang dikirim pamakai, durasinya bisa matan 3 detik sampai 10 menit.[2] Wahini beberapa pamakai ada nang sudah kawa maunggah pidio durasnya sampai 60 menit.[3]
Matan mancungul, Tiktok wan Douyin sudah dapat popularitas glubal. Pada Uktubur 2020, Tiktok sudah malabihi 2 miliar unduhan seluler di seluruh dunia. Morning Consult menggalari Tiktok sabagai merk nang tumbuh paling hancap ketiga tahun 2020, imbah Zoom wan Peacock. Cloudflare meandak TIkTok jadi situs nang paling populer di tahun 2021, melingkawi google.com.[4]
Douyin[babak | babak asal-mulanya]
Douyin dilungsurkan matan Tiongkok pada bulan Septimbir 2016, panambaian ngarananya A.me, imbah tu beganti ngaran jadi Douyin pada bulan Disimbir 2016[5]. Douyin diganalakan dalam 200 hari dan dalam waktu satu tahun bisi 100 juta pamakai, wan labih pada 1 milyar video nang ditonton saban harinya.[6]
TikTok vs Douyin[babak | babak asal-mulanya]
Douyin dilungsurkan ke pasar Tiongkok pada bulan Siptimbir 2016. TikTok adalah persi luar negerinya Douyin nang tapisah[1], wan dilungsurkan pada tahun 2017 gasan iOS wan android gasan di sepalihan pasar luar Tiongkok. Tapi, TikTok tersedia di seluruh dunia imbah menggabung layanan media sosial Tiongkok lainnya, yaitu Musical.ly pada tanggal 2 Agustus 2018.
TikTok wan Douyin bisi tampilan muha nang sama tapi kada bisi akses ke konten satu wan lainnya.[1] Server buhannya masing-masing bisi basis pasar sorangan tiap aplikasinya.[7] 2 produk ngini mirip, tapi fiturnya kada identik. Douyin bisi fitur pencarian dalam pidio berdasarkan muha urang gasan melihat pidio tertentu, lawan ada fitur lain kayak betukar barang, mesan hotel, wan meulah ulasan beimbai lawan tag geograpis.
Kasus[babak | babak asal-mulanya]
Digugat Jaksa Agung Wan Hubnur[8][babak | babak asal-mulanya]
Jaksa Agung wan Hubnur sepakat menggugat TikTok. Gugatan hanyar gasan TikTok ngini disambat maraga sengaja maulah "klub tari batilanjang pirtual" nang melibatakan kanakan. Gugatan ngini diajuakan ulih Badan Perlindungan Kunsumen Negara Bagian Utah, Amirika Sarikat nang manuduh Tiktok sudah meambil untung dari fitur live wan mata duit pirtual nang mempasilitasi eksploitasi wan bedagang seksual, distribusi pornografi wan tindakan liegal nang lain.
Ujar Hubnur Utah, Spencer Cox, tuduhan fitur live ampun TikTok ngini kada hanya mengkhawatirkan tapi jua marasahkan. TikTok dianggap abai wan keselamatan kanakan, khususnya meambil untung dari hasil eksploitasinya, ini kada kawa ditolelir.
Bahan Itihan[babak | babak asal-mulanya]
- ^ a b c d Lin, Pellaeon (2021-03-22). "TikTok vs Douyin: A Security and Privacy Analysis".
- ^ Media, Kompas Cyber (2022-03-05). "Durasi Video di TikTok Kini Makin Lama, Bisa Sampai 10 Menit Halaman all". KOMPAS.com (dalam bahasa Indonesia). Diakses tanggal 2024-06-09.
- ^ Media, Kompas Cyber (2024-05-20). "Sejumlah TikToker Sudah Bisa Upload Video 60 Menit". KOMPAS.com (dalam bahasa Indonesia). Diakses tanggal 2024-06-14.
- ^ "Fastest Growing Brands Report 2020". Morning Consult Pro (dalam bahasa Inggris). Diakses tanggal 2024-06-09.
- ^ "The App That Launched a Thousand Memes". web.archive.org. 2018-02-23. Archived from the original on 2018-02-23. Diakses tanggal 2024-06-09.
- ^ "How Douyin became China's top short-video App in 500 days". WalkTheChat (dalam bahasa Inggris). 2018-07-30. Diakses tanggal 2024-06-09.
- ^ Broderick, Ryan (2019-05-16). "Forget The Trade War. TikTok Is China's Most Important Export Right Now". BuzzFeed News (dalam bahasa Inggris). Diakses tanggal 2024-06-10.
- ^ Utama, Lazuardhi (2024-06-09). "Jaksa Agung dan Gubernur Gugat TikTok". www.viva.co.id (dalam bahasa Indonesia). Diakses tanggal 2024-06-10.